Í Bolungarvík er ekki lengur hægt að spila Bingó!

Nú er vandlifað. Sumstaðar er ástandið verra en annarsstaðar - þar er Bolungarvík í fararbroddi. Hver höndin er uppi á móti annarri og maður veit orðið vart hverjir stjórna bænum - þ.e. með einmenningslistanum A....aaaaaaaaaaaaaaa.

Og ástandið er svo slæmt að mér segja "kunnugir" að ekki sé hægt orðið að hafa bingókvöld - enginn geti orðið dregið svo hlutlaust megi þykja - og ekki sé hægt að setja saman bingóspjald með fleiri bókstöfum en einum -  A.

Þeir hinir sömu segja mér að algjör vitleysa sé að leggja í slíkan peninga austur sem félagsheimilið sé, þar sem aldrei náist saman fleiri í hóp en nokkrar hræður og nær væri að opna fleiri "bakherbergi" í ráðhúsinu - ekki þyrfti einu sinni að loftræsa þau því reykfyllt sinna þau skyldum sínum best.

Já það gefur á bátinn víðar en við Grænland!

Athugasemdir

[Þorleifur Ágústsson, 28.4.2008 kl. 21:57]

Ágæti Sveinn, A-listinn er nú ekki Sjálfstæðisflokkurinn - en maður spyr sig reyndar að því hvort að það hafi verið heillaskref fyrir Sjálfstæðisflokkinn að fara í samstarf við A-listann? Mér persónulega finnst að D og K hefðu átt að taka sig saman - en kannski var bæjarstjórastóllinn sumum mikilvægari en sterkur meirihluti?!

[Ásthildur Cesil Þórðardóttir, 29.4.2008 kl. 09:07]

Jamm ætli það hafi nú ekki einmitt verið stóllinn sem heillaði mest.  Svei því bara.