Ökufanturinn hjá STRANDAFRAKT í HÓLMAVÍK og löggan í Borgarnesi.

Ég sagði frá því á bloggi fyrir nokkru að glæpsamlegur akstur eiganda STRANDAFRAKTAR Í HÓLMAVÍK olli gríðarlegu tjóni á bifreið og fellihýsi. Sem betur fer var ekki slys á fólki - en tjónið mikið. En hvernig metur maður slys á fólki - yfirleitt er jú auðvitað átt við sýnilegan skaða - en í tilfelli foreldra minna eins og líklega fleiri sem í svipuðum aðstæðum lenda þá hafa þau miss ánægjuna af því að ferðast um með fellihýsi og njóta landsins - ætla semsagt ekki að endurnýja fellihýsið sem keyrt var í köku - þökk sé Hólmavíkur hálfvitanum á flutningabílnum - og það er slys í sjálfu sér að taka ánægjuna af fólki sem finnst gaman að ferðast.

En hvað hefur gerst síðan? Svarið er einfalt: EKKERT. Lögreglan í Borganesi hefur því miður ekki séð ástæðu til að ganga frá skýrslugerð og senda inn í tryggingafélag foreldra minna. Á þeim tæpa mánuði sem liðinn er hefur ekkert gerst. Lögreglan í Borgarnesi er líklegast í gríð og erg að sekta fólk fyrir of hraðan akstur og þá er ekki dráttur á sektarboðum - nei ekki aldeilis. Og hvernig veit ég það? Jú - reyndar hef ég ekki verið sektaður af þeim Borgnesingum - EN brotlegur hef ég gerst - já ég viðurkenni það. Var tekinn fyrir of hraðan akstur er ég kom niður af Steingrímsfjarðarheiði - einn á auðum vegi og hraðinn var 100 - sektin ekki há enda glæpurinn lítill skv. sektarkerfinu - en sektarboðið lét ekki bíða eftir sér.

Ekki hjálpaði nú mikið fyrir mig að hringja í tvígang til þeirra á stöðinni í Borgarnesi - í fyrraskiptið var auðvitað ekkert mál að aðstoða mig - kurteis lögreglumaður sem ræddi við mig - og ætlaði viðmælandinn að biðja stúlkuna sem verið hafði á vettvangi sér um skýrsluna að hafa samband - sem hún auðvitað hefur ekki haft fyrir að gera - og svo í dag þegar ég hringdi mætti mér hrokafullur sérfræðingur í lögreglumálum sem tjáði mér á einstaklega yfirlætislegan hátt að þetta væri allt eðlilegt vinnuferli hjá þeim - margra vikna ferli að skrifa skýrslu og senda í tryggingarfélagið - og ég hafði á tilfinningunni að hann ætlaði að botna samtalið með gamla góða frasanum úr sandkassanum "vertu svo ekkert að ybba gogg..."  enda heyrðist mér að stutt síðan kappinn væri kominn úr pollabuxunum.

Eftir stendur að sumarleyfi foreldra minna er eyðilagt á besta sumri sem elstu menn muna - allt vegna bjálfans hjá STRANDAFRAKTINNI og seinagangsins í Borgarnesi. 

Ef þetta er staðreyndin hjá þeim í Borgarnesi - þar sem líklegast mesti umferðarþunginn er - já þá er nú mál að endurskoða starfsemina og hverjir starfa þar - bæta þjónustu vegfarenda og gera meiri kröfur til starfsmanna.

Athugasemdir

[Högni Jóhann Sigurjónsson, 19.7.2007 kl. 13:32]

Sæll Þorleifur, þetta með líðan foreldranna er skiljanlegt og vont ,ég óttast yfirleitt svona afleiðingar því að þetta er varanlegur heilsuskaði sem þau hafa orðið fyrir og hið versta mál.

Það er einmitt með ólíkindum að það skuli vera glæpur að vera á 100 á góðum bíl og góðum vegi, í góðu veðri, engin umferð og góður bílstjóri, ég er svo sammála þér þarna.

Enn Þorleifur þú verður að fara varlega að löggunni, ég er ekkert viss um að þeir hafi ráðið sig til vinnu heldur bara til að vera einhverstaðar og geta sýnt laun og farið svo hvíldir í svörtu vinnuna. Þú verður að reyna að finna út hvort þeir hvíli sig á spilunum og skákinni á ákveðnum tíma vaktar þá væri séns að ná sambandi eða bíddu ef þú lendir á einhverjum tapsárum  og nýbúinn að tapa já nei ég sé það núna þetta er ekki leiðin.

Þetta er svona hér á suðurlandi líka, því miður og ábyggilega víðar.

[Þorleifur Ágústsson, 19.7.2007 kl. 13:49]

Sæll og takk fyrir komment. Auðvitað eru laun og aðstaða ekki mál lögreglumannanna sjálfra - heldur yfirvaldsins - Björns Bjarnasonar og co. Hitt er annað mál sem ég er að benda á og það er að þetta er óeðlilegar langur tími að ganga frá skýrslu - hafa verður í huga tjónþolann. Ég mun aldrei samþykkja slíkt. Ef vandamálið er eitt af þessu sem ég tala um í blogginu: Aðstaða, tímaleysi, starfsmenn eða áhugi/metnaður þá þarf eithvað að gera.

[Þorleifur Ágústsson, 19.7.2007 kl. 14:31]

Já og auðvitað megum við aldrei gleyma því að blog er vettvangur alþýðunnar til að benda á og kvabba og kvarta.....einskonar "dælustöð sálarinnar..."

[Hlynur Þór Magnússon, 19.7.2007 kl. 17:42]

Við skulum nú ekki dæma of hart. Lögreglan gerir sitt besta. Hins vegar eru ekki margir lögreglumenn sem geta skrifað skýrslur.

[Þorleifur Ágústsson, 19.7.2007 kl. 18:35]

Auðvitað reyna allir sitt besta - en þetta snýst ekki um það. Þetta snýst um hvort að það besta sé nægilega gott - og ef vandamálið er að aðeins hluti lögreglumanna geti eða kunni að skrifa skýrslu - þá segi ég: "er ekki eithvað sem vantar í menntun þessa ágæta fólks...". Eða er vandmálið það að of mikið er af ófaglærðum lögreglumönnum eða héraðslögreglumönnum? Tja ekki veit ég. En ég hef hinsvegar grun um að lögreglunám á Íslandi sé ekki nægilega gott og standi nágrannalöndum okkar langt að baki. Því miður - enda er starf lögreglumanns bæði krefjandi og mikilvægt.