Mamman drap Madeleine - ekki lengur tilgáta heldur staðreynd.

Það ku vera búið að sanna að móðir Madeleine hafi gefið henni of stóran skammt af svefntöflum. Líkamsvessar sem fundust í bílaleigubíl foreldranna og tilheyrðu litlu stúlkunni innihalda stóran skammt af lyfjum. Ekki lengur tilgáta - heldur staðreynd. Portúgalska lögreglan hefur í sínum fórum þessi gögn og því er ekki langt að bíða þar til ákæra verður gefin út.

En áfram reyna foreldrarnir að ljúga sig út úr þessu. Líklyktin sem var í bílaleigubílnum segja þau að fylgi þeim af sjúkrahúsunum þar sem þau starfa....jamm.

Og blóð úr stúlkunni fannst ekki bara í herberginu á hótelinu - nei, líka í íbúð sem þau höfðu til umráða eftir að hún hvarf.

Það sem er áhugavert í þessu út frá fræðilegu sjónarhorni - er að sá sem hefur komið upp um foreldrana er hundur - svokallaður líkhundur. En þessir hundar eru sérhæfðir í að þefa uppi lík. Og í þessu tilfelli hafa sérhæfðir líkhundar verið notaðir til að þefa uppi sönnunargögn. Engin mannsins tækni gat það - en nebbinn á hvutta sagði alla söguna - ótrúleg hæfni.

Já hér er greinilega nýtt dæmi um slæmar ákvarðanir mannskepnunnar - því víst er að ekki hefur móðirin ætlað sér að myrða dóttur sína - eða? Harmleikur og allt væntanlega gert til að geta slakað á með vinum eina kvöldstund á veitingastað. Já, flestir hefðu tekið börnin með.

 

Athugasemdir

[Jóna Á. Gísladóttir, 14.9.2007 kl. 11:53]

Er þetta ekki bara Séð & Heyrt þeirra Svía? Ef manneskja overdósar af svefnpillum, úr hverju blæðir þá?

[Katrín, 14.9.2007 kl. 12:30]

Er ekki fullsnemmt að ,,fagna''?

[krossgata, 14.9.2007 kl. 12:51]

Er eitthvað búið að sanna?  Eru þetta ekki bara sögur af sönnunargögnum, hafðar eftir hinum og þessum "háttsettum áreiðanlegum" heimildamönnum?

[Þorleifur Ágústsson, 14.9.2007 kl. 12:58]

Getgátur og getgátur - ég segi vonandi. Vil ekki hugsa til þess að foreldrar þessarar stúlku séu svo kaldrifjaðir að geta verið með morð (af gáleysi væntanlega) á samviskunni. En að tala um að "fagna" - er nú frekar ósmekklegt. En allir hljóta þó að fagna þegar málið leysist og hægt verður fyrir aðstandendur að kveðja litlu telpu á viðeigandi hátt.

...og sænsku blöðin ljúga ekki....hananú. Heja Sverige.

[Jón Steinar Ragnarsson, 14.9.2007 kl. 14:33]

Þetta er skelfilegt ef satt er og í raun skelfilegt hvernig sem þetta kom allt til.  Það er líka merkilegt sem Steinunn Ólína var að skrifa um að það væri mjög sterk fylgni í barnsmorðum með því að foeldrar eigi í hlut.  Ég næ bara ekki utan um það í mínum litla kolli.

[Ylfa Mist Helgadóttir, 14.9.2007 kl. 17:54]

ARNGRÍMUR!!! ég gat nú alveg farið í gegn um þetta föstudagssíðdegi án þessara nákvæmu upplýsinga.. Úff....

Æi þetta er allt hið ægilegasta mál. Flott myndbandið hér af Hanhólshjónum.. :)

[Katrín Snæhólm Baldursdóttir, 14.9.2007 kl. 20:37]

Hef ekki lesið neinar svona afgerandi fréttir um þetta mál hér í bretlandi......

[Katrín, 14.9.2007 kl. 21:07]

Má vera Þorleifur en mér fannst fyrirsögnin allrosaleg og ósmekkleg.  Við erum þá jöfn í ósmekklegheitunum

[Þorleifur Ágústsson, 14.9.2007 kl. 21:25]

Sæl. Rétt er það en því miður er þetta í raun bara í anda umfjöllunar sem ég vitna í. En þetta mál er auðvitað hið ömurlegasta og virðist versna enn.

[Guðríður Haraldsdóttir, 14.9.2007 kl. 21:40]

Hefði haldið að foreldrarnir, sem eru læknar, kynnu að gefa barni réttan skammt af svefnlyfi ef þau ætluðu að svæfa hana. ??????

[Sveinbjörn Kristinn Þorkelsson, 16.9.2007 kl. 18:17]

Málið er að í Bretlandi virðast hjónin hafa ótæmandi stuðning, í blöðum og meðal almennings. Þegar þau segja að sönnunnargögnum hafi líklega verið plantað þarna af lögreglunni - og enginn setur spurningar við málflutning þeirra þá blöskrar mér.

Ég reikna með að landlægt vantraust norður Evrópubúa á getu suður Evrópskra þjóðfélaga til að virka spili þarna inní - og við þekkjum þetta vel hér á Íslandi, við stöndum með okkar fólki sem lendir í vandræðum ERLENDIS.