Á banabeði.

Ég ligg fársjúkur og er í raun varla fær um að skrifa þessa færslu. Búinn að vera máttfarinn mjög og hvert skref sem ég hef þurft að taka hefur verið mér hreint helvíti. Líðanin er skelfileg og verst er að geta ekki tekið þátt í fjölskyldulífinu - en ég tók samt þó ákvörðun að vera ekki að þreyta konuna með eylífu kvarti - þannig er ég bara - ég sæki mitt vatn sjálfur og staulast einn og óstuddur á salernið - þó auðvitað ætti ég að fá fulla þjónustu - hef í raun rétt á því.

Já þetta er ömurlegt líf. Ég sef illa sökum kvala og vakna aftur og aftur við það að mér finnst ég vera að kafna - svo illa líður mér á stundum að spurning er hvort ekki þurfi að kalla til aðstandendur til að fara yfir stöðuna - í það minnsta hringja í mömmu og biðja hana að væta enni mitt með rökum klút.

Já ég veit ekki hvað konur eru að kvarta yfir erfiðum meðgöngum og barnsburði  - þær ættu að setja sig í mín spor.

Setja sig í spor ekta karlmanns með kvef.

En ég er að skána.

Athugasemdir

[S. Lúther Gestsson, 23.7.2007 kl. 13:24]

Er þetta eitthvað tengt því að enski boltnn fer bráðum að byrja að rúlla á sýn?

[Guðrún B. (IP-tala skráð) 23.7.2007 kl. 13:26]

Iss ég segi það nú lágmark að hún hugsi nú að minsta kosti fallega til þín

[Jón Steinar Ragnarsson, 23.7.2007 kl. 15:38]

Ég samhryggist sjálfum þér. Ég skal lesa "Stop all the clocks..." eftir Auden yfir moldum þínum ef allt fer á versta veg.

[Margrét Össurardóttir (IP-tala skráð) 23.7.2007 kl. 16:49]

Er ekki búið að kalla til prestinn?

[Þorleifur Ágústsson, 23.7.2007 kl. 16:57]

Já þið kvenfólkið skiljið ekki hvernig það er að fá hastarlegt kvef...... en ég veit ég á þjáningarbræður um allt land!

[Guðrún B. (IP-tala skráð) 23.7.2007 kl. 17:39]

Hehe villtu tisshjúú ??

[Gísli Bergsveinn Ívarsson, 23.7.2007 kl. 19:40]

Greyið þú

[Steinunn Ólína Þorsteinsdóttir, 23.7.2007 kl. 22:30]

guð veri með þer

[Þorleifur Ágústsson, 23.7.2007 kl. 22:34]

Ég er allur betri - stuðningurinn er ómetanlegur.... 

[Guðrún B. (IP-tala skráð) 23.7.2007 kl. 22:55]

Gott... viltu samt ekki tisshjú ?? Tad ed sdvo godt tegad madud ed med díblad neb !!

[Sigmar Þór Sveinbjörnsson, 23.7.2007 kl. 23:11]

Það eru svona pislar Þorleifur sem gera bloggið skemmtilegt skemmtilegt, þú átt alla mína samúð.

[Árni Gunnarsson, 24.7.2007 kl. 15:07]

Samúð mín er öll hjá þér.

Það er við svona aðstæður sem grimmd konunnar birtist manni svo áþreifanlega.

Auðvitað er sjaldgæft að svona slæmt kvef læknist. Þó hef ég lesið um það í bókum.

Og sjálfur þekki ég dæmi um mann sem lifði þetta af, en auðvitað verður hann aldrei samur maður og það eru ósköp að sjá hann í dag.

Alúðar-batakveðja!