Getuleysi Byggðastofnunar - orsökin: Fjárhagsleg gelding.

Já við landsbyggðarlýðurinn megum vera þakklát fyrir aðgang að hjálp - og ekki amalegt þegar til er heil stofnun með starfsfólki í vinnu með að markmiði að eins og segir á heimasíðu Byggðastofnunar:

"Hlutverk

Hlutverk Byggðastofnunar er að vinna að eflingu byggðar og atvinnulífs á landsbyggðinni. Stofnunin undirbýr, skipuleggur og fjármagnar verkefni og veitir lán með það að markmiði að treysta byggð, efla atvinnu og stuðla að nýsköpun í atvinnulífi. Byggðastofnun fylgist einnig með þróun byggðar í landinu.Byggðastofnun vinnur að stefnumótandi byggðaáætlun fyrir allt landið í samráði við iðnaðarráðherra. Í áætluninni skal gerð grein fyrir ástandi og horfum í þróun byggðar í landinu og lýsa markmiðum og stefnu ríkisstjórnarinnar í byggðamálum. Í samræmi við hlutverk stofnunarinnar veitir hún lán eða annan fjárhagslegan stuðning í því skyni meðal annars að bæta aðstöðu til búsetu í einstökum byggðarlögum og koma í veg fyrir að óæskileg byggðaröskun eigi sér stað eða að lífvænlegar byggðir fari í eyði.Byggðastofnun heyrir undir iðnaðarráðherra sem skipar sjö menn í stjórn stofnunarinnar til eins árs í senn"

Undirstrikanir eru mínar.  En hvað segir svo þegar heimasíðan er skoðuð? jú (http://www.byggdastofnun.is/default/page/fjarmognun_verkefna):

Fjármögnun verkefna Fjármögnun verkefna er þríþætt; lán, styrkir og hlutafé. Hvorki eru veittir styrkir né hlutafé á árinu 2007.

 Já svei mér þá - mikið er nú gott að vita af þessari ágætu stofnun. Er ekki kominn tími til að ríkið taki sig saman í andlitinu og veiti þessari stofnun það fjárhagsumhverfi sem þarf til að það geti sinnt sínu hlutverki.

það er mín skoðun.

Athugasemdir

[Sigurjón Þórðarson, 10.7.2007 kl. 00:27]

Það er ekki hægt að benda á stofnunina sem slíka heldur miklu frekar stjórnvöld og þá sérstaklega ráðherra Sjálfstæðisflokksins sem ráðið  hefur ferðinni í undirstöðuatvinnugreinum landsbyggðirnar um áratuga skeið.

[Þorleifur Ágústsson, 10.7.2007 kl. 17:23]

Rétt er það Sigurjón - enda geri ég það ekki - henni er bara gert ómögulegt að starfa skv. lögum. Fjárgelding.

[Árni Gunnarsson, 12.7.2007 kl. 12:16]

Varla við öðru að búast en að pólitískur geldfénaður ráði yfir geldum stofnunum.