Kúlaður steinbítur

Þriðjudagur, 30. desember 2008

Að kjósa mann ársins - undarlegt mat á eiginleikum.

Verið var í sjónvarpinu á stöð tvö (að mig minnir) að kjósa um hver væri maður ársins. Ársins tvö þúsund og átta þegar allt fór til helvítis - og svo voru helvítin sjálf fengin til að hreinsa upp skítinn.

En hvað um það. Ekki ætla ég nú að setjast í dómarasæti. En halló - rætt var þar við leikarann geðþekka Felix Bergsson - og hann kaus Ingibjörgu Sólrúnu. Og af hverju - jú hún gekk í gegnum erfið veikindi - og kom svo sterk til leiks.....hm jamm...jæja.

Hvernig í ósköpunum getur það verið henni til framdráttar að veikjast? Er það eitthvað nýtt? Margir deyja af völdum sjúkdóma á ári hverju - og lítið sem ekkert fjallað um það góða fólk.

Og hvað í ósköpunum hefur Ingibjörg gert til að laga ástandið? Ég bara spyr....hefur hún eitthvað gert?

Ég bara spyr....hvað hefur hún gert af viti síðustu mánuði...?!!

Frekar en aðrir stjórnarliðar.

Flokkur: Bloggar | Facebook

Athugasemdir

Já þetta er undarlegt val. Ég mun allavega ekki gefa henni mitt atkvæði í næstu kosningum, hún fékk það síðast en ekki meir.

Mér dettur í hug Ólafur Stefánsson sem val á manni ársins.

Harpa Oddbjörnsdóttir, 31.12.2008 kl. 08:35

Hún er skrýtin þessi tilvera sem við búum í Hvar eru þeir sem hafa lægstu launin í þessu landi,eða hafa sama og ekkert til að lifa af? Við Íslendingar erum svo fljót að gleyma. Þorleifur, þetta er eins og talað út frá mér þessar hugleiðingar þínar hér að ofan. Stundum get ég orðið svo reið, já og mér verður bara óglatt, þegar ég sé hvernig við Íslendingar smjöðrum fyrir sumu fólki.