Skáldið sem talar eins og skynsamur fjármálamaður - fjármálamaðurinn sem talar eins og lélegt skáld.

Svona upplifði ég Kastljósþáttinn í kvöld. Einar Már var rödd skynseminnar. Alþýðumaður þrátt fyrir að vera vel þekktur rithöfundur og skáld. Hannes Smárason rödd hrokans og lyginnar.

Ég er hrifinn af því sem Einar Már leggur til - að hlustað sé á fólkið í landinu. Að krafa sé gerð um að auðmennin þrífi sinn skít eftir sig sjálf.

Því má nefnilega ekki gleyma að þetta eru einkafyrirtæki - hlutafélög - sem valdið hafa þessum gríðarlega skaða. Ekki opinber fyrirtæki - þrátt fyrir að augljós aumingjaskapur eftirlitsaðila á alltof háum launum hafi valdið því að ekki var stigið á bremsuna!

Ég er nokkuð viss um að það hefði verið gert ef um "venjulegan" íslending hefði verið að ræða - en ekki flokksgæðinga sem verið var að "þakka fyrir góðan stuðning" með því að gefa þeim bankana.

Þessara manna verður minnst um ókomin ár sem mestu siðleysingjum sem lifað hafa - blóðmjólkað allan almenning sér til hagsbóta - og látið svo hina sömu þrífa upp eftir sig skítinn.

Einar Már - þú ert ekki aðeins maður hins ritaða máls - þú ert rödd alþýðunnar!

Athugasemdir

[Guðrún (IP-tala skráð) 11.11.2008 kl. 08:15]

Gæti ekki verið meira sammála, að sjálfsögðu þrífum við ekki skítinn eftir siðlausa fjárglæframenn. Einar Már var flottur. Af hverju var Hannes glæpon ekki stöðvaður þarna um árið ??

[Greta Björg Úlfsdóttir, 11.11.2008 kl. 11:05]

Einar Már var flottur.

Óskiljanlegt hvernig fjárglæframenn fá að vaða óheftir uppi hér á landi, nú síðast í spjallþáttum fjölmiðlanna. Eins og þeir séu að útbreiða eitthvert evangelíum þar, sem hljómar í megindráttum: Ég er saklaus - og þið erum vitlaus ef þið haldið annað.

[Ingunn Sturludóttir (IP-tala skráð) 11.11.2008 kl. 11:06]

Sammála, Einar Már er málsvarinn sem við höfum beðið eftir.

Václav Havel=Einar Már Guðmundsson.

Ninna

[Flosi Kristjánsson, 11.11.2008 kl. 14:55]

Þá eru nú skáldin orðin tvö sem tala íslensku: Davíð Oddsson og Einar Már Guðmundsson. Báðir vilja að fjárglæframenn/óreiðumenn hreinsi upp eftir sig skítinn. Öðrum er hrósað fyrir ummæli sín en hinn vilja menn setja út í yztu myrkur.

[Georg P Sveinbjörnsson, 11.11.2008 kl. 17:36]

Menn vilja Davíð af vegna þess að hann stóð ekki undir starfinu sem hann þiggur sín himinháu laun fyrir, rétt eins og hinir óhæfu seðlabankastjórarnir 2. Rauna ætti að hýrudraga þessi vanhæfu fífl.

Einar Már var snilldin ein og magnaður var hann á Austurvelli á Laugardaginn síðasta líka.

[Greta Björg Úlfsdóttir, 11.11.2008 kl. 23:07]

Davíð er ekki skáld, ja nema þá skáld óráðsíudraumsins, hann er í besta falli þokkalegur penni.

Skáld er miklu meira virðingarheiti en svo að hvað Pétur og Páll sem þóknast að kalla sig því nafni sé þess verður.