Til hvers að vera með bleyju þegar enginn er til að skipta á manni!

Íslenska þjóðin er búin að skíta á sig - svo um munar!

Lítil stoð er í margþveginni bleyju - þegar enginn kann hvort eð er að skipta. Og því er staðan sú að umheimurinn vill sem minnst með okkur hafa - skítalykt af liðinu og segja má að þjóðin gangi um stefnulaus í hægðum sínum.

En nú ber svo við að til eru bleyjur sem hjálpa - á formi alþjóðlega gjaldeyrissjóðsins - og bleyjurnar standa okkur til boða - til að þerra mesta skítinn. En viti menn - einn seðlabankastjóranna kýs helst að orna sér í eigin skít - vill ekkert með svona hjálp gera - líklegast mun hann einnig kjósa að pissa í skóinn sinn á haustdögum þegar kólna fer! Og sjálfsagt borðar hann græna snjóinn líka við seðlabankahornið.

Þiggjum hjálpina - fáum aðstoð - og ekki síst aðstoð í að gera það sem ríkisstjórnin var ófær um - látum skipta á okkur - kenna okkur að nota kopp og svo vonandi lærum við að gera þetta sjálf með tíð og tíma - leitt bara að börnin okkar og barnabörnin skuli þurfa að standa straum af þessum uppeldiskostnaði.

Og stingum svo út úr hrútakofanum við Austurvöll og nefndum seðlabanka. 

Athugasemdir

[Orgar, 20.10.2008 kl. 19:30]

smá grín

http://bylting-strax.blog.is/blog/bylting-strax/entry/681229

[Guðrún Vestfirðingur (IP-tala skráð) 20.10.2008 kl. 19:59]

Og hvað heldur þú að Baugsbjörgin hjálpi til við skeinið ? Það er örugglega sjálfskeinari um borð í 101 Ég held að þjóðin verði ekki skeind þaðan frekar en af Seðlabankastjóra

[Ragnhildur (IP-tala skráð) 20.10.2008 kl. 20:20]

Hvernig væri þá að hætta hreinlega með bleyju og læra að gera hlutina sjálf ;) Spýtum í lófana og hefjum sókn í stað þess að vera endalaust í vörn.