Gengur samkynhneigð í erfðir - hver var niðurstaða Kára í díkód?

Vinkona mín hún Ólína skrifa mjög áhugaverðan pistil í dag og fjallar þar m.a. um stöðu samkynhneigðra og upphlaup í kjölfar prestastefnu á Húsavík. 

Eitt sinn var læknir spurður að því hvort samkynhneigð gengi í erfðir - læknirinn svaraði um hæl: "ekki ef samkynhneigðin er stunduð eingöngu".

Það væri því áhugavert að vita hvað kom út úr rannsóknum þeirra díkód manna - svona eins og þegar átti að leita að alkahólisma geninu - mig minnir endilega að það hafi átt að vera eitt af genunum sem Kári ætlaði að finna. Spurningin vaknar hvort að hann hafi verið í samstarfi við Gunnar í Krossinum og ef barn fæddist með 66 basa "galla" á 6. litning þá væri Gunnar mættur um hæl  með reistan kross - 666...

Samkynhneigð er vel þekkt í dýraríkinu - ástæður eru óþekktar og líklega engar skiljanlegar líffræðilegar ástæður - en það er einmitt málið - er einhver ástæða til að leita að ástæðunum - er ekki bara málið að sætta sig við þetta og leyfa þeim er svo er ástatt um að vera - vera það sem þeir vilja - í sátt við samfélagið og samfélagið við þá - þar sem við erum jú öll hluti af sömu heildinni.

En auðvitað er þetta ekki létt ásigkomulag - að vera samkynhneigður og ég verð að viðurkenna að ég er feginn að "hafa ekki lent'íðí" - eða eins og móðir mín sagði: "mikið er ég feginn að hann Tolli minn gerði móður sinni það ekki að verða hommi".

En hvað veit ég - fólk er komandi út úr allskyns skápum á öllum aldri - bæði útskornum eikar og einföldum IKEA.

svo er nú það.

Athugasemdir

[Ólafur Þórðarson, 1.5.2007 kl. 02:51]

Það er aldrei að vita, Þorleifur.

[Gestur Halldórsson, 1.5.2007 kl. 20:56]

“Það gæti verið verra” sagði vinurinn við föðurinn, honum til huggunnar, þegar hann sagði vininum, að sonurinn væri stigin úr skápnum. “Hann hefði getað orðið Framsóknarmaður”.