Að fá gott í skóinn!

Fá gæludýrin þín ekki örugglega eitthvað gott í skóinn?

 

 

 

Sjómannaafsláttur - undarleg sparnaðaraðgerð!

Margar misgóðar tillögur um sparnað hafa litið dagsins ljós á síðustu vikum. Misgóðar segi ég þó auðvitað sé nauðsynlegt að spara. En það er bara enginn raunverulegur sparnaður fólginn í því að vega að rétti sem löng hefð er fyrir og hefur verið túlkuð sem viðurkenning fyrir erfið og hættuleg störf. Hér á ég við um sjómannaafsláttinn. Mér finnst það nefnilega arfavitlaus hugmynd. Og á sama tíma er róið að því öllum árum að koma okkur í Evrópusambandið - einmitt á þeim tíma sem mér þykir einsýnt að við ættum að hægja á og ígrunda vel alla möguleika. Það er ljóst okkur íslendingum að Bretar og Hollendingar hafa beitt okkur óeðlilegum þrýstingi - og nýtt sér stærð sína og völd í Evrópusambandinu til að ná sínu fram. Kannski væri best að hafa vaðið fyrir neðan sig í þeim efnum.

Og á sama tíma les ég að fyrirhugað sé að leggja niður Sjávarútvegs og Landbúnaðarráðuneytið - þær stofnanir sem halda utan um það sem okkur er dýrmætast! Mikil er sú viska sem þeirri ákvörðun fylgir - eða þannig.

Mér finnst nú réttast í stöðunni að endurhugsa aðeins sparnaðaraðgerðir - og skoða vel allar hliðar áður en vaðið verðu áfram. 

Og ekki verður síður fróðlegt að fylgjast með lífinu á Bessastöðum þegar forsetinn þarf að taka ákvörðun um Icesave - minnug gjárinnar sem hann varaði við !

Hann hlýtur að hlusta á þessar tæplega 30.000 sálir sem óska eftir þjóðaratkvæðagreiðslu um málið.

Fyrir áhugasama um laufabrauðsgerð!

Laufabrauð er ekki bara gott - heldur listaverk eins og hér sést!

Þegar rödd fólksins og máttur skilar árangri - Óshlíðargöngin eru dæmi um það!

Það hafði samband við mig maður í dag út af allt öðrum málum en að þakka Pálínu. En eins og oft er þá berst tal tveggja manna um víðan völl. Svo var líka í þessu samtali. Og auðvitað fórum við að ræða ný-gegnum-slegin Óshlíðargöng.

Eins og kannski margir vita þá mætti margt fyrirmennið til veislu og fögnuðu gestir því að búið væri að opna á milli Hnífsdals og Bolungarvíkur. Veislan var víst köllu "slá í gegn". Auðvitað er gaman þegar fólk gerir sér glaðan dag og guð almáttugur veit að slíkt er mikilvægt á þeim tímum sem við lifum.

En verra er þegar tækifærið er notað af pólitíkusum til að slá sig til riddara - óverðskuldað. Og í þetta sinn vantaði hetju dagsins. Við megum nefnilega ekki gleyma því að í fyrstu drögum átti að grafa nokkrar styttri holur - eða göng til að spara. En þá sagði fólkið hingað og ekki lengra.

Í fararbroddi var Pálína Vagnsdóttir - ef mig minnir rétt og barðist fyrir raunverulegum samgöngubótum!

En í veislunni voru það pólitíkusarnir.... og Möllerinn auðvitað með glænýtt bindi að þvaðra um ágæti sitt og atorku - að hafa komið þessum samgöngubótum á!

Æi æi minn kæri....

Ég vil með þessum pistli árétta að það var fólkið í Bolungarvík sem barðist fyrir göngunum og sem yfirvöld neyddust til að hlusta á!

Rödd fólksins var sjálfumglöðum pólitíkusum yfirsterkari!

Húrra fyrir þeim. Og sérstaklega þér Pálína!

Tiger Woods í alvarlegu bílslysi!

Ég fékk vægt hjartaáfall þegar ég las þessa frétt.....

 

Bráðum koma blessuð jólin!

"Eigum við að ræða það eitthvað".....

Ert þú búin(n) að prufa Murr/Urr fyrir þitt gæludýr?

Er kennsla í framhaldsskólum á réttri braut?

Eftirfarandi bréf barst stjórnendum Menntaskólans X á dögunum frá nemanda sem vill

> koma á nýtískulegum kennsluháttum í skólanum:

> Mörgum nemendum finnst kennarar þeirra vera ótrúlega leim og voða

> mikið bara að kenna eitthvað júsless stöff. Allar bækurnar sem eru

> lesnar í íslensku eru t.d. most boring bækur ever sem enginn les nema > einhverjir proffar! Án djóks! Svo tala þeir einhvað fokking fornmál og maður bara VÓ! og skilur ekki rass og svo hrauna þeir bara yfir mann ef maður spyr kannski aftur hvað hafi skeð fyrir einhvern í einhverri sögu!

> 

Kannski ættu kennarar að pæla í því að gleyma gömlu kennsluaðferðunum

sem eru nú ekkert til að hlaupa húrra fyrir og þeir eru búnir að nota

síðan í örlý seventís og fara að öpdeita sig aðeins.

Þeir gætu t.d. komið sér upp kennslusíðum á feisinu og gætu þá addað

nemendum og þá nottla bara þeim sem hafa áhuga. Þá gætu kennararnir

líka tjattað við nemendur og búið til allskonar quiz og test sem

nemendum þætti gaman af í staðinn fyrir að vera alltaf að bögga

nemendur með sjúklega leiðinlegum prófum.

Svo er gegt góð hugmynd að nemendur gætu þá líka alltaf kommentað á

t.d heimanámið því það er ógeðslega fúlt að hafa of mikið að gera eða

verið með reitings á kennsluna og kannski gætu kennarar sem skora hátt fengið hærri laun eða eikkað.

Kennarar gætu líka verið með til dæmis groups um kjörbókarritgerð og

þá gætu þeir bara joinað sem ætluðu að lesa heila bók eða sollis og fá þannig 10% .

Kennaranir gætu líka sett inn events þegar væri að koma próf og sent

nemendum bara invitation þá myndu allir pottþétt vita það. Ekki eins

og núna þegar stundum er ekki einu sinni sagt manni að það sé próf

næsta dag! Kommon!

Svo ef kennarinn sé veikur þá er næs að hann geti bara sett það í

statusinn og nemendur sjá það og bara hjúkket! Frí! Sjitt hvað það

væri osom! 

Svo gætu allir sett inn myndir * bara svona normal myndir * ekkert

djúsí sem kennarinn má ekki sjá ;) og þá er hægt að tagga aðra

nemendur á myndunum og þá væri miklu meira easy skiluru fyrir

kennarann að muna hvað allir heita sko.

Kennarar gætu líka kennt bara online og allir fengu mætingu ef þeir

væru loggaðir inn. Það væri svít. Þá gætu nemendur bara tjillað heima

kannski og dánlódað bara öllu draslinu í tölvurnar eða ipodana sína!

Allavega er aðal issjúið að kennarar átti sig á því að núna eru þeir í tómu tjóni og það sé möst að þeir geri huge breytingar á kennslunni

sko! Sorrý en þeir verða að spá í að þeir eru líka í keppni við allt

hitt stöffið sem nemendur geta skemmt sér við í tölvunum. Það er audda miklu skemmtilegra að spila tölvuleik eða að horfa á eitthvað á

Youtube heldren að hlustá einhvern kennara tala. En whatever...eikkað

er greinilega að og því er skorað á kennara: Reynið að láta nemendunum hlakka til að mæta í tíma til ykkar og þið rúlið!

Luv,

xoxo

Sparaðu pening en fáðu um leið bestu gæðin!

Ef þú átt kött eða smáhund - þá er það ekki spurning - þú ættir að prufa vörurnar frá Murr ehf. Þær eru ekki bara góðar, hollar og íslenskar - þær eru hreinlega ódýrasti kosturinn þegar tillit er tekið til innihalds og dagskammts!

Murr kattamatur er frábært alhliða fóður fyrir ketti - hrein íslensk afurð  - og þá meinum við Íslensk!

• Murr lúxus lamb kattamatur - íslenskara verður það auðvitað ekki - allt unnið úr afurðum af okkar íslenska sauðfé!
• Urr smáhundamatur - hér er um frábæra vöru að ræða - mjög hollt fóður fyrir smáhunda! En auðvitað passar það öllum hundum - af öllum stærðum og gerðum - og það þó við tölum um smáhundamat.
• Svo eru það svínseyrun og nautastangirnar - frábærar fyrir hundinn að naga og sem verðlaun!

Kíkið endilega á heimasíðuna okkar!

Málið er einfalt - við hjá Murr ehf. notum aðeins fullkomið hráefni - ætlað til manneldis!

 

Í minningu um bíóferðir!

Mér finnst gaman að fara í bíó. Fór reyndar ansi oft í bíó í gamladaga. Það var á Akureyri. Á þeim tíma var það ákveðið verkefni að fara í bíó.

Hjá mér var það svona;

"Mamma...ég er að spá í að fara í bíó með Pálma en pabbi er í sveitinni og mig vantar pening". Mamma sótti pening og lét mig hafa - var alltaf að spara og gaf mér bara fyrir bíómiðanum. Mömmur á þessum tíma voru nefnilega í tvöfaldri vinnu - fyrir utan að halda heimili, þvo og eignast börn. Þær annarsvegar sáu um heimilið og hinsvegar sáu um að spara. Pabbarnir voru alltaf í vinnunni og vissu ekkert hvernig heimili störfuðu.

Já...já ok nú vælir einhver. En svona var þetta samt. Mamma og hennar líkar - reyndar ekki allar því sumar fóru beint í hjónaband áður en þær komust í skóla - og enginn kvartaði neitt. þetta var bara svona.

Jæja aftur að mömmu og bíóinu. Auðvitað var það þannig að ég talaði við mömmu í góðan tíma - hafi tíma uppá að hlaupa - áður en bíóið byrjaði og það gæfi pabba séns á að koma heim úr sveitinni - úr vitjun sem er jú í hlutverki héraðsdýralækna.

Og svo kom pabbi heim. Stoppaði Broncoinn á planinu og byrjaði að týna út úr honum töskur og dýralæknadót. Ég beið átekta. Svo segi ég "pabbi.....ég er að fara í bíó en mamma vill ekki leyfa mér að fá nammi í hálfleik"!..já hálfleik..ég sagði það...en á Akureyri hét "hlé" ´...hálfleikur!!!!

Pabbi leit á mig - þreyttur og brosti.  Ég einkasonurinn gat náttúrlega ekki farið í bíó nema með pening með nammi. Og gaukaði að mér mér pening sem dugði sko fyrir meiru en miða!!! jibbíi.

En skammgóður  var varminn.....mamma kom og tók peninginn - rétti mér fyrir poppi og gosi og rak mig af stað.

Ég fór til Pálma glaður í bragði. Sunnudagar voru yndislegir.

Íslendingar - hættið þessu helvítis kjaftæði um siðferði - þetta orð er orðið að orðskrípi í íslenskri tungu!

Það er oft sagt að ekkert skyggi betur á raunveruleg vandamál en svæsin saga af kvennamanni eða djúsí hjónaskilnaði.

Og þar förum við íslendingar auðvitað fremstir í flokki. Erum þjóða fljótust að missa sjónar á því sem skiptir máli og hella okkur yfir það sem engu skiptir - eða að minnsta kosti minna.

Nú galdraði einhver snillingurinn fram sögu af ræfils KSÍ manni sem sofnaði svefni hinna réttlátu á óheppilegum stað - svaf á verðinum og var féflettur. Á erlendum klámstað - þar sem svefndrukkinn rataði inn og féll í mjúkan sófa - rotaður eftir erfið fundahöld íslenskri knattspyrnu til framdráttar!

Og allt varð vitlaust - allir gleymdu því að maðurinn er búinn að greiða allt til baka - og ekki nóg með það - hann viðurkennir að hafa verið á staðnum þótt sofandi verið.

En hvað með hina - hvernig færi ef allir þátttakendur í þessu hruni borguðu nú þó ekki væri nema helming til baka - værum við þá ekki betur stödd? En - nei.... sé reiknað út frá fjárhagslegum skaða þá er ljóst að sá graði sem fylgdi líkamlegum hvötum sínum - náttúrulegum hvötum sem enginn ræður yfir - og sem magnast með hverjum drykk - er búinn að fá skrilljón-margfalda meiri útreið en hinir stóru syndarar þessa lands!

Ég held að við íslendingar ættum að leggja tvö orð á hilluna: 1) siðferði, en það orð skiljum við ekki - kunnum að skrifa það en ekki meira. 2) fyrirgreiðsla, en það orð nota bankarnir þegar þeir lána peninga og blóðmjólka svo lántakann það sem eftir er.

Og svona til að taka þátt í súlustaðaumræðunni - þá man ég hér um árið þegar ég bjó í útlöndum og stundaði nám. Stundum leiddist manni afskaplega og þá sérstaklega þegar maður heyrði í félögum sem skemmtu sér saman og áttu góðar stundir. Eitt kvöld þegar ég sat einn í lítilli stúdentsholu þá hringdi ég í félaga minn - og viti menn hann var staddur niður í Austurstræti ásamt félögum sínum - nánar tiltekið var hann fyrir utan Óðal - þó ekki á leið þar inn - akkúrat þegar ég hringi. Í gríni bið ég hann að rétta dyraverðinum símann - sem hann og gerir. Á þeim tíma rak þennan merka stað maður sem ég kannast við - og sagði ég við dyravörðinn ákveðið að ég væri sá hinn sami - að ég væri í útlöndum og að þessi maður sem rétt hefði símann ætti að fá að fara inn og njóta allra þeirra lystisemda sem staðurinn hefði upp á að bjóða - og ekkert múður - hann væri bissness mógúll! Að vísu gekk félagi minn iðulega í lopapeysu og tréklossum - en hvað um það - þetta var löngu fyrir 2007 þegar menn voru meira svona - "thinker" ekki "doer".

Mínum manni er umsvifalaust svipt inn ásamt félögunum - af vöðvastæltum manni sem í einfeldni sinni og foringjahollustu trúði mér í einu og öllu.

En nóg um það - minn maður sofnaði ekki og kom út með kortið ósnert - ólíkt - öðrum líkamspörtum sem á honum héngu.

Svo - ég segi - sá sem syndlaus er kasti fyrsta steininum!