Lalli Johns og Eiður Smári - báðir gera út á "skorið" - annar má en hinn ekki.

Mikið óskaplega hafa auglýsingarnar með honum Lalla farið fyrir brjóstið á fólki - en öllum er skítsama um hvort Eiður Smári auglýsi - þó er það ljóst að báðir byggja á eigin reynslu, þekkingu og getu - eða getuleysi - allt eftir því hvernig litið er á málið. Ég er hinsvegar viss um að færa megi rök fyrir því að Lalli hafi "skorað" meira en Eiður og sé síst minni fagmaður. Hann hefur í það minnsta átt langan karríer - og er ennþá í eldlínunni þó auðvitað séu "meiðslin" farin að segja til sín.

Leyfum Lalla að njóta þess að vilja vinna heiðarlega vinnu - rekum ekki Lalla út í óreglu og afbrot. Lalli á fullan rétt á sér - fótógen fagmaður sem veit hvað hann syngur.

 það er mín skoðun.

Athugasemdir

[krossgata, 24.5.2007 kl. 12:45]

Sambærilegt segirðu.  Er Eiður Smári með "víti til varnaðar" auglýsingar?  Ég hef reyndar alltaf haldið því fram að fótbolti sé frá hinum vonda, sé óhollur og hið mesta mein.  Ég verð kannski að horfa á þessar auglýsingar sem Eiður leikur í frá öðru sjónarhorni. 

Annars held ég þessar auglýsingar Lalla haldi honum ekkert frá glæpum.

[Gísli Foster Hjartarson, 24.5.2007 kl. 18:33]

Alveg er ég hjartanlega sammála þér Þorleifur - erum við ekki í samfelagi þar sem að allir eiga að hafa jafnan rétt ril að framfleyta sér og sínum? Hlýtur að vera skárra að gera það með því ða leika í auglýsingum en með þjófnaði - Ef að fyrirtækið sér sér hag í að láta hann auglýsa er það þá ekki í lagi? Ég bara spyr - Beraekki eigendur fyrirtækisins ábyrgð á hverjir auglýsa fyrir fyrirtækið? Lalli grípur bara tækifæri sem að honum gafst

[Eysteinn Skarphéðinsson, 24.5.2007 kl. 18:35]

Eiður er dómgreindina í lagi ekki Lalli

[Þorsteinn Gunnarsson, 24.5.2007 kl. 23:09]

Ja af hverju má ekki nota Lalla í svona fyrirbyggjandi dæmi... kannski vegna fortíðarinnar? Það þótti ok að senda Bubba í skólana að messa yfir ungviðinu... og ef minnið svíkur ekki þá var hann ekki alltaf alveg alsgáður í þeirri vinnunni eða hvað?

Skil ekkert í þessu liði að láta kúga sig til að stoppa þessar auglýsingar.

[Páll Jóhannesson, 25.5.2007 kl. 08:27]

Greinilega ekki sama hvort um er að ræða ,,Jón eða sr. Jón".

Og talandi um dómgreind - Sjáið alla athyglina sem t.d. Paris Hilton fær....... trúa menn því að dómgreind hennar sé í lagi? Opnum vart dagblöðin án þess að lesa um klúður og ýmis hneykslismál ríka- og fræga fólksins sem hefur ekki dómgreindina í lagi - finnst mönnum það bara allt í lagi? Það er margt skrítið í kýrhausnum.