Olíu-aðal með aðstoðarmenn fyrir Vestan. Kenndi Dressmann klæddum lágmenningarlýðnum að meika monný.

Ég gerðist laumufarþegi fljótandi um á olíufati - hlustaði á framtíðina og heyrði hvernig gullið svarta hló og lofaði framtíð engri lík. Olíu-aðal bar af - var með einkatúlk - í klæðskerasaumuðu með Rólex og gullkeðju. Eitthvað annað en Dressmann liðið að Vestan sem sat hinu megin borðsins. Jebb - hann kann að meika bisness - "bínn ðer dönn ðat and bot ðe tísjört" - talaði ensku með Texas hreim - Djei Arr mættur. Ég var stjarfur - seikó tölvuúrið mitt stoppaði og saumsprettan á kakíbuxunum virtist stækka. Úff. Ég fór út. Aungramanna að norðan hefur ekkert að gera á svona fundi - enda var mér ekkert boðið - ég laumaðist inn.

En auðvitað er þetta spennandi - múltíbisness með pótensíal og afleidd störf. Mér finnst við að við eigum að skoða þetta. En því miður...... - við eigum að borga fyrir að skoða þetta - úr eigin vasa - eða skildi ég þetta ekki rétt þegar olíu-aðal sagði: "jú peifor the umhverfismat and sei jess - and ðenn ví vill meik ðe moný". Já - þeir ætla sér nefnilega að sleppa við að borga fyrir matið - á umhverfinu. Þeir eru engir Landsvirkjun - þeir eru bisnessmenn með pótesíal - með kontakta út um allt - alltaf í bisness.

það er í mínum huga algjört skilyrði fyrir svona framkvæmdum að alvöru umhverfismat verði framkvæmt - og að þessum köllum verði gert það ljóst að slík vinna kostar og þar sem þeir eru að predíka bisness með múltíbilljón pótensíal þá geta 150 milljóns æslendic varla verið mikið - nokkrar tunnur af olíu - eða svo. Dropi í svartahafið.

Já - skoðum málið fyrir 150 milljónir - metum stöðuna og gefum þeim svar. Náttúrustofa Vestfjarða mun sjá um málið - það er ég viss um og í góðu samstarfi við sérfræðinga á sviðinu. Fyrr getur þetta ekki komist á umræðustig.

Það er mín skoðun.

Athugasemdir

[Sigurður Á. Friðþjófsson, 23.5.2007 kl. 21:45]

Ef þessi lýsing þín á fundinum er rétt er þetta með endemum. Ef við eigum að standa straum af umhverfismatinu og þeir lausir við alla áhættu held ég að við getum bara gleymt þessum óskapnaði í eitt skipti fyrir öll. Vestfirðingar eru þekktir fyrir allt annað en að vera gólftuskur fyrir armanifursta frá Rússía. Síðustu fréttir að Vestan eru ekki fagrar en olíusullið mun ekki bjarga neinu. Það þarf eitthvað annað að koma til.

[Skafti Elíasson, 25.5.2007 kl. 23:19]

Má ég benda lausn á síðunni minni http://www.skaftie.blog.is/blog/skaftie/entry/218817/